بسم االله الرحمن الرحيم، الحمد الله رب العالـمين، والصلاة والسلام على سيدنا محمد وآله وصحبه والتابعين، د اشخاصو پېژندلو لپاره د ګوتو نښې يو مهمه او پراخه او ښه لاره ده چې د انسان د ګوتو نښې د تائیدي په توګه کارول کېږي ، او موږ کولاې شو چې د دغه لاري په اساس د انسانانو جنسیت (جنډر) طبقه بندي هم تر سره کړو چې دغه لاره دې انسانانو په ژوند په یوه برخه کې خورا مهم رول لوبوي لکه بایمیټریک، جرمونو، نظارت، د انساني او کمپیوټر تر منځ تعامل، سوداګریز فعالیتونو. که څه هم په تیرو وختونو کې د اشخاصو پيژندنه او یا د جنسیت (جنډر) طبقه بندي لپاره د بایمیټریک (biometric)له ځانګړتیاوې څخه ګټه اخیسل کیده لکه مخ، ګيټ (دروازه)، سترګي او د لاس شکل ،لکه څرنګه چې زیاتو ساینس پوهانو د څېړني او تجربي له مخي د جنسیت (جنډر) طبقه بندي لپاره ډیری د انسان د مخ پر برخه ولاړ دې ځکه چې د انسان دغه برخه د نورو په پرتله خورا مهم ځانګړتیاوې لري. په دې لیکنه کې موږ د جنسیت (جنډر) طبقه بندي لپاره د ګوتو نښانونه تحلیل کړي دي په دې هیله چې دا د راتلونکي څیړنې لپاره به خورا مهمه ونډه ولري. د (NIST ) انسټیټوټ په ډیټابیس کې په اصلاح شوي فعالیتونونه سره په ( CNN ) کې درې قانع کوونکي لاري انتحاب کړي چې د ښي پایلې کیدو لامل شوي ،د دغه انسټیټوټ په ډیتابیس کې يي 4000 عکسونو ځاي پر ځاي کړي چې د ((CNN شبکي سیستم په ګټه اخستلو سره یی 99٪ حقیقت ترلاسه کړی ، دغه د (CNN) سیسټم فعالیت ښودلې چې د ګوتو نښان د یو شخص د جنسیت پيژندلو لپاره حیاتي او مهمې ځانګړتیاوې لري.